امریکی تھنک ٹینک نے قرار دیا ہے کہ افغان طالبان رجیم کی دہشت گردی کی حمایت اور انتہا پسندانہ پالیسیاں دنیا کے لیے ایک بڑا چیلنج ہیں۔
رپورٹ کے مطابق طالبان رجیم کے جابرانہ قوانین افغان شہریوں کے بنیادی حقوق اور مستقبل کے لیے سنگین خطرہ ہیں، جبکہ افغان ریاست کی قانونی حیثیت اور شہری حقوق کو بھی شدید خطرات لاحق ہیں۔
امریکی تھنک ٹینک کا کہنا ہے کہ افغان طالبان کے القاعدہ اور دیگر دہشت گرد گروہوں کے ساتھ تعلقات برقرار ہیں، اور طالبان حکومت دہشت گردوں کے خلاف مؤثر کارروائی سے گریزاں ہے۔
رپورٹ میں مزید کہا گیا ہے کہ بین الاقوامی سطح پر قانونی حیثیت نہ ہونے کے باعث طالبان رجیم افغانستان کی نمائندگی کے لیے مکمل قانونی درجہ نہیں رکھتی۔
