کراچی میں ڈی جی کے ڈی اے آصف جان صدیقی نے کہا ہے کہ کریم آباد انڈرپاس کا ترقیاتی کام 15 روز میں مکمل کر لیا جائے گا۔
انہوں نے بتایا کہ انڈرپاس پر دن رات کام جاری ہے اور یہ منصوبہ 10 اپریل کو ٹریفک کے لیے کھل جائے گا۔
کے ڈی اے حکام کے مطابق کریم آباد انڈرپاس کی لمبائی 1.1 کلومیٹر ہے، اور اس کا تعمیراتی کام دسمبر 2023 میں شروع ہوا تھا۔ انڈرپاس کو ایک سال کی مدت میں مکمل ہونا تھا۔
کے ڈی اے حکام نے بتایا کہ اس منصوبے کی ابتدائی لاگت تقریباً ایک ارب 35 کروڑ روپے تھی، لیکن دوران تعمیر کریم آباد انڈرپاس کی لاگت تقریباً 3 ارب 83 کروڑ روپے ہو گئی۔
