جینیوا : سوئٹزرلینڈ کی ای ٹی ایچ زیورخ یونیورسٹی کے طالب علموں نے تین ٹانگوں والا روبوٹ تیار کیا ہے جو طویل فاصلے تک سفر کرنے کے ذریعے سیارچوں کی سطح کو عبور کرسکتا ہے۔اسپیس ہوپر کے نام سے جانا جانے والا یہ روبوٹ خلائی مشنز پر سیارچوں اور چاندوں جیسے نسبتا چھوٹے آسمانی اجسام کی تلاش کے لیے استعمال کیا جائے گا جن میں قیمتی معدنی وسائل موجود ہوسکتے ہیں جنہیں انسانیت مستقبل میں استعمال کر سکتی ہے۔یونیورسٹی کے مطابق ان آسمانی اجسام کی تلاش سے کائنات کی تشکیل کے بارے میں بصیرت بھی ملنی چاہیے۔
یہ پروگرام ڈھائی سال قبل بیچلر ڈگری کے طالب علموں کے لئے ایک تحقیقی منصوبے کے طور پر شروع کیا گیا تھا۔اب اسے پانچ ماسٹر کے طالب علموں اور ایک ڈاکٹریٹ طالب علم کی طرف سے باقاعدہ تحقیقی منصوبے کے طور پر جاری رکھا جا رہا ہے۔ یونیورسٹی کا کہنا ہے کہ اس طرح کے خلائی روبوٹس کی تیاری میں ایک خاص چیلنج یہ ہے کہ زمین جیسے بڑے آسمانی اجسام کے برعکس چھوٹے آسمانی اجسام پر کشش ثقل بہت کم ہوتی ہے۔ محققین نے یورپی خلائی ایجنسی کی پیرابولک پرواز پر صفر کشش ثقل میں اپنے روبوٹ کی فعالیت کا تجربہ کیا۔
