بھارتی ریاست ہریانہ کی 20 سالہ سوشل میڈیا انفلوئنسر رجنی گھنگھاس نے دو سال میں 67 کلو وزن کم کرکے سب کو حیران کردیا۔ دو سال قبل ان کا وزن 155 کلو تھا جبکہ آج وہ 88 کلو کی ہیں۔ رجنی کا کہنا ہے کہ یہ تبدیلی کسی شارٹ کٹ سے نہیں بلکہ مستقل ورزش، گھریلو کھانے اور روزمرہ کی جدوجہد کا نتیجہ ہے۔ انہوں نے نہ کوئی مہنگے پروگرام لیے اور نہ ہی سخت ڈائیٹ اپنائی بلکہ سادہ اور متوازن زندگی گزار کر اپنی کامیابی حاصل کی۔