تائیوان میں آخری نیوکلیئر پاور پلانٹ مانشن کو دوبارہ کھولنے کے لیے کرائے جانے والا ریفرنڈم ناکام ہو گیا کیونکہ ووٹر ٹرن آؤٹ مطلوبہ قانونی حد کو پورا نہ کر سکا۔ کامیابی کے لیے تقریباً 50 لاکھ ووٹ درکار تھے، لیکن حمایت میں صرف 43 لاکھ ووٹ آئے جبکہ 15 لاکھ ووٹ مخالفت میں تھے۔
تائیوان کی حکومت نے کہا کہ زلزلے کے شکار علاقے میں جوہری توانائی پیدا کرنے اور جوہری فضلے کے حوالے سے بڑے حفاظتی خدشات ہیں۔ صدر لائی چنگ تے نے کہا کہ اگر ٹیکنالوجی میں بہتری اور سماجی قبولیت میں اضافہ ہوتا ہے تو مستقبل میں جدید ایٹمی توانائی پر دوبارہ غور کیا جا سکتا ہے۔
