پاکستانی فٹ بال ٹیم کے سابق کپتان صدام حسین نے فن لینڈ کے کلب کاجانی ہاکا کے ساتھ دو سالہ معاہدہ کرلیا ہے۔ صدام نے سوشل میڈیا پر اس معاہدے کو “نئی ٹیم، نیا معاہدہ اور نیا خاندان” قرار دیا اور کہا کہ کراچی کے ملیر سے ان کا فٹ بال کیریئر اب یورپی کلب تک پہنچ گیا ہے۔ انہوں نے مزید کہا کہ وہ اپنے نئے فٹ بال خاندان کے لیے اپنا جذبہ، تجربہ اور مہارت دینے کے لیے مکمل طور پر تیار ہیں۔ صدام حسین نے تقریباً تین سال قومی ٹیم کی قیادت کی اور اپنے کیریئر کا آغاز 2009 میں انڈر 19 سے کیا تھا، تاہم قومی ٹیم میں پاکستانی نژاد غیرملکی کھلاڑیوں کے باوجود انہیں مستقل جگہ نہیں مل سکی۔
