چیئرمین پبلک اکاؤنٹس کمیٹی (پی اے سی) جنید اکبر نے کہا ہے کہ بانی پی ٹی آئی کو مکمل معلومات فراہم نہیں کی گئیں اور ان کے حوالے سے غلط بیانی ہوئی۔
جنید اکبر نے بتایا کہ کل کسی نے کہا کہ وہ استعفیٰ دینے کو تیار نہیں ہیں، اور انہیں بتایا گیا کہ بیرسٹر گوہر نے کہا کہ وہ استعفیٰ نہیں دینا چاہتے۔
انہوں نے کہا کہ جب وہ بانی سے ملاقات کے لیے جا رہے تھے تو میں نے کہا کہ میرا استعفیٰ ساتھ لے جائیں، اور میں نے پی اے سی اور صوبائی صدارت سے استعفیٰ دینے کی تیاری ظاہر کی۔ تاہم بیرسٹر گوہر نے میرا استعفیٰ ساتھ نہیں لیا، لیکن میں نے اپنا استعفیٰ وٹس ایپ کے ذریعے بھیج دیا تھا۔ انہوں نے مزید بتایا کہ 13 مئی کو اپنا پہلا استعفیٰ بھی بیرسٹر گوہر کو بھیجا گیا تھا۔
چیئرمین پی اے سی نے کہا کہ بانی پی ٹی آئی کو بتایا گیا کہ وہ بطور پی اے سی عہدے پر رہنا چاہتے ہیں، اور سیاسی کمیٹی میں بتایا گیا کہ وہ صرف صدر کے طور پر استعفیٰ دے رہے ہیں۔ بانی کو پی اے سی اور بطور صدر دونوں استعفوں کی معلومات نہیں دی گئیں۔
جنید اکبر نے مزید کہا کہ اگر سیاسی کمیٹی گروپ بندی کرے تو یہ درست نہیں، اور ایک شخص کی بات کو چند خاص افراد کی حمایت کے ساتھ فیصلہ بنانا مناسب نہیں۔
