رائیونڈ میں 30 روپے کے تنازع پر دو بھائیوں کو قتل کرنے والے ملزم کو پولیس نے گرفتار کر لیا۔ پولیس ترجمان کے مطابق ڈی آئی جی آپریشنز فیصل کامران کی ہدایت پر اسپیشل ٹیم تشکیل دی گئی تھی جس نے کارروائی کرتے ہوئے ملزم کو گرفتار کیا۔
ڈی آئی جی آپریشنز فیصل کامران نے ملزم کی گرفتاری پر ایس پی صدر سمیت پوری ٹیم کو شاباش دی۔ پولیس کے مطابق دہرے قتل کا یہ واقعہ 21 اگست کو رائیونڈ میں پیش آیا تھا، جہاں پھل فروش ملزم نے معمولی جھگڑے پر دونوں بھائیوں کو تشدد کے بعد قتل کر دیا تھا۔
