امریکی اخبار نیویارک ٹائمز کی رپورٹ کے مطابق اسرائیل نے ایران کے ساتھ 12 روزہ جنگ کے دوران ایرانی رہنماؤں کو نشانہ بنانے کے لیے ان کے محافظوں کے موبائل فونز کا استعمال کیا اور ایک اہم سکیورٹی خامی سے فائدہ اٹھایا۔
رپورٹ میں بتایا گیا ہے کہ اسرائیل نے ایرانی شخصیات کی نقل و حرکت کا پتہ لگانے کے لیے ان کے محافظوں کے فون کی نگرانی کی، جس کے ذریعے وہ کامیابی سے اہداف کو نشانہ بنانے میں کامیاب رہا۔
خیال رہے کہ جون میں اسرائیل اور ایران کے درمیان 12 روزہ تنازع میں اسرائیل نے متعدد ایرانی جوہری سائنسدانوں اور فوجی کمانڈروں کو ہلاک کیا تھا۔
دوسری جانب ایران میں اسرائیلی خفیہ ایجنسی کے لیے جاسوسی کے الزام میں آٹھ افراد کو گرفتار بھی کیا گیا ہے۔
