امریکی دارالحکومت واشنگٹن میں صدر ڈونلڈ ٹرمپ کے فیصلے کے خلاف ہزاروں افراد سڑکوں پر نکل آئے اور شہر سے فوجی دستے واپس بلانے کا مطالبہ کیا۔
احتجاجی مارچ “We Are All D.C.” کے نام سے منعقد ہوا جس میں تارکینِ وطن، فلسطین کے حامی اور مقامی شہریوں نے شرکت کی۔ مظاہرین نے پلے کارڈز اٹھا رکھے تھے اور “فری ڈی سی” کے نعرے لگاتے ہوئے فوجی تعیناتی کو آمریت قرار دیا۔
اس وقت واشنگٹن میں 2 ہزار سے زائد فوجی تعینات ہیں، جن میں 6 ریپبلکن اکثریتی ریاستوں کے اہلکار بھی شامل ہیں، جبکہ ڈی سی نیشنل گارڈ کی ڈیوٹی 30 نومبر تک بڑھا دی گئی ہے۔
