پاکستان تحریک انصاف کے چیئرمین بیرسٹر گوہر نے اڈیالہ جیل کے باہر صحافیوں پر کارکنوں کے تشدد کے واقعے پر غیر مشروط معافی مانگ لی۔ واقعے میں پی ٹی آئی کارکنان نے مبینہ طور پر اپنے رہنما نعیم حیدر پنجھوتہ کی ہدایت پر متعدد صحافیوں کو تشدد کا نشانہ بنایا تھا۔
پرتشدد واقعے کے بعد راولپنڈی اور اسلام آباد کے صحافی سراپا احتجاج تھے تاہم بیرسٹر گوہر کی معذرت کے بعد پی ایف یو جے نے احتجاج ختم کر دیا۔
پی ٹی آئی قیادت نے واقعے پر شدید تحفظات کا اظہار کرتے ہوئے تحقیقات کے لیے کمیٹی تشکیل دینے کا اعلان کیا ہے، جبکہ نعیم حیدر پنجھوتہ کو شوکاز نوٹس دینے پر بھی غور کیا جا رہا ہے۔
