راولپنڈی کی اڈیالہ جیل میں پاکستان تحریک انصاف کے بانی عمران خان کی اہلیہ بشریٰ بی بی کے طبی معائنے کے لیے پمز اسپتال کی 4 رکنی ٹیم پہنچی، تاہم انہوں نے معائنہ کرانے سے انکار کر دیا۔
ڈاکٹروں کی ٹیم ایک گھنٹہ جیل میں موجود رہی مگر بشریٰ بی بی کی رضا مندی نہ ملنے پر واپس اسلام آباد روانہ ہوگئی۔ میڈیکل ٹیم میں ڈاکٹر سعد جاوید، ڈاکٹر مبشر، ڈاکٹر ماہم اور ڈاکٹر ماریہ رشید شامل تھیں۔
ٹیم شام 7 بجے اڈیالہ جیل پہنچی اور تقریباً سوا 8 بجے بغیر معائنہ کیے واپس چلی گئی۔
