ویانا میں 69 ویں جنرل کانفرنس کے موقع پر آئی اے ای اے کے ڈائریکٹر جنرل نے پاکستان کے پرامن جوہری پروگرام کی تعریف کی اور سول نیوکلیئر انرجی میں اضافے کو سراہا۔
پاکستان اٹامک انرجی کمیشن کے مطابق، ڈی جی نے چشمہ نیوکلیئر پاور پلانٹ سی-5 کو صاف اور پائیدار بجلی کی پیداوار میں اہم سنگ میل قرار دیا۔
چیئرمین پی اے ای سی ڈاکٹر راجا علی رضا انور نے کہا کہ پاکستان کے نیوکلیئر پاور پلانٹس اعلیٰ حفاظتی معیارات کے تحت چل رہے ہیں اور ملک خطے کی بہتری کے لیے آئی اے ای اے کے ساتھ تعاون جاری رکھے گا۔
