ملتان کی ڈسٹرکٹ اینڈ سیشن عدالت نے عوامی راج پارٹی کے سربراہ جمشید احمد دستی کے خلاف جعلی ڈگری کیس کا فیصلہ سنا دیا۔ عدالت نے انہیں 7 سال قید کی سزا سنائی۔
یہ مقدمہ الیکشن کمیشن کی جانب سے دائر استغاثہ پر چلایا گیا تھا۔ استغاثہ کے مطابق جمشید دستی نے 2008 میں مدرسے کی بی اے کی ڈگری کی بنیاد پر مظفرگڑھ کے حلقہ این اے 178 سے انتخاب لڑا تھا، تاہم ہائر ایجوکیشن کمیشن کے ریکارڈ میں اس ڈگری کا کوئی اندراج نہیں ملا۔
الیکشن کمیشن نے مؤقف اختیار کیا تھا کہ ملزم نے آرٹیکل 62 اور 63 کی خلاف ورزی کی، حقائق چھپائے اور کاغذاتِ نامزدگی کے ساتھ مدرسے کی ڈگری منسلک کی، اس لیے انہیں نااہل قرار دیا جانا چاہیے۔
عدالت نے وکلاء کے دلائل سننے کے بعد فیصلہ محفوظ کیا اور بعدازاں جمشید دستی کو 7 سال قید کی سزا سنائی۔
