عالمی اور مقامی مارکیٹ میں سونے کی قیمت میں ریکارڈ اضافہ دیکھنے میں آیا ہے۔
بین الاقوامی بلین مارکیٹ میں فی اونس سونا 51 ڈالر اضافے کے ساتھ بڑھ کر 3 ہزار 770 ڈالر کی تاریخی سطح پر پہنچ گیا۔
عالمی مارکیٹ کے اثرات کے بعد پاکستان میں بھی سونا مہنگا ہو گیا۔ ملک میں فی تولہ سونا 5 ہزار 100 روپے مہنگا ہو کر 3 لاکھ 98 ہزار 800 روپے کی بلند ترین سطح پر جا پہنچا۔
اسی طرح فی 10 گرام سونا 4 ہزار 372 روپے اضافہ کے بعد بڑھ کر 3 لاکھ 41 ہزار 901 روپے ہو گیا۔
