وزیراعلیٰ پنجاب مریم نواز نے سعودی عرب کے قومی دن پر سعودی قیادت اور عوام کو مبارکباد دیتے ہوئے کہا کہ سعودی عرب کی خوشی پاکستان کی خوشی ہے۔
اپنے بیان میں انہوں نے کہا کہ سعودی عرب پاکستان کا محض دوست نہیں بلکہ ہر مسلمان کے لیے عقیدت اور محبت کا مرکز ہے۔ پاکستان اور سعودی عرب کا دفاعی معاہدہ امتِ مسلمہ کی ڈھال کے مترادف ہے جبکہ پاکستان محافظ الحرمین الشریفین کا درجہ حاصل کر چکا ہے۔
مریم نواز نے کہا کہ مشکل وقت میں سعودی عوام اور قیادت نے ہمیشہ پاکستان کا ساتھ دیا، جس پر ہم شکر گزار ہیں۔ انہوں نے مزید کہا کہ سعودی عرب میں امن، ترقی اور خوشحالی کے لیے دعا گو ہیں۔
