چیف جسٹس لاہور ہائیکورٹ عالیہ نیلم نے بینکنگ کورٹ کے ملازمین کو فوری جوڈیشل الاؤنس دینے سے انکار کر دیا۔
درخواست پر سماعت کے دوران چیف جسٹس نے ریمارکس دیے کہ بینکنگ کورٹ کے ملازمین اکثر اپنی سیٹ پر موجود نہیں ہوتے اور وکلا کے پیچھے مصدقہ کاپیوں کے لیے گھومتے رہتے ہیں۔ شکایات موصول ہوئی ہیں کہ ملازمین کام نہیں کرتے، اس لیے صرف محنت کرنے والے ہی الاؤنس کے حقدار ہیں۔
درخواست گزار کے وکیل احسن بھون نے استدعا کی کہ یہ مزدور طبقہ ہے، انہیں ریلیف دیا جائے، تاہم عدالت نے کہا کہ فوری ریلیف نہیں دیا جا سکتا۔ کیس کو مرکزی کیس کے ساتھ جوڑ کر فیصلہ کیا جائے گا۔
