عالمی بینک کی رپورٹ کے مطابق پاکستان میں غربت کی شرح، جو 2001 میں 64 فیصد سے کم ہو کر 2022 میں 18.3 فیصد تک آ گئی تھی، اب دوبارہ بڑھ کر 25.3 فیصد تک جا پہنچی ہے۔ صرف گزشتہ تین برسوں میں غربت میں 7 فیصد اضافہ ہوا ہے۔
رپورٹ میں کہا گیا ہے کہ غربت میں اضافے کی بڑی وجوہات کووڈ-19، مہنگائی، سیلاب اور معاشی دباؤ ہیں، جبکہ کھپت پر مبنی ترقیاتی ماڈل اپنی حد کو پہنچ چکا ہے۔ رپورٹ میں غربت میں کمی کے لیے کمزور طبقات کو تحفظ دینے، صحت و تعلیم سمیت عوامی خدمات میں سرمایہ کاری، مؤثر سماجی تحفظ کے نظام اور ہدف پر مبنی مالی اصلاحات پر زور دیا گیا ہے۔
