افغانستان میں طالبان حکومت نے خواتین کو دانتوں کے علاج کے لیے مرد دندان ساز کے پاس جانے سے روک دیا ہے۔ قندھار میں طالبان اہلکاروں نے ڈینٹل کلینکس میں جا کر خواتین مریضوں کو باہر نکالا اور کلینکس کو ہدایت دی کہ خواتین کا علاج صرف خواتین دندان ساز کریں۔ یہ پابندی اس وقت سامنے آئی ہے جب ملک میں پہلے ہی رومانوی شاعری اور مشاعروں پر پابندی عائد کی جا چکی ہے، جبکہ خواتین کی ملازمت، تعلیم اور کھیلوں پر بھی مختلف پابندیاں برقرار ہیں۔
