پابند سلاسل حریت رہنما یاسین ملک کی اہلیہ مشعال ملک نے کہا ہے کہ مقبوضہ وادی میں بھارتی بربریت کے شعلے اب لداخ کو بھی اپنی لپیٹ میں لے رہے ہیں۔
اپنے بیان میں مشعال ملک نے کہا کہ لداخ میں بھارتی فورسز کی کارروائیاں عالمی امن کے علمبرداروں کے منہ پر طمانچہ ہیں۔ انہوں نے کہا کہ پرامن مظاہرین پر گولیاں بھارتی جمہوریت کے ماتھے پر کلنک ہیں۔
مشعال ملک کے مطابق لداخ کے عوام کو دیوار سے لگایا جا رہا ہے، چار شہادتیں اور درجنوں زخمی مودی حکومت کے فاشزم کی کھلی مثال ہیں۔
انہوں نے عالمی برادری سے مطالبہ کیا کہ وہ لداخ اور کشمیر میں بھارتی مظالم کا فوری نوٹس لے۔
