ملکہ کوہسار مری میں ہر قسم کی تعمیرات اور سڑکوں کی تعمیر پر پابندی عائد کر دی گئی ہے۔ ڈپٹی کمشنر نے اس سلسلے میں باقاعدہ نوٹیفکیشن جاری کیا۔
پابندی کا دورانیہ تین ماہ مقرر کیا گیا ہے۔ اس دوران اسٹون کرشنگ، ڈرلنگ اور مائنگ پر بھی مکمل پابندی ہوگی۔
بلڈنگ میٹیریل کی ترسیل اور نئے کارخانے، فیکٹریاں، دکانیں یا مارکیٹ بنانے کی اجازت نہیں ہوگی۔
انتظامیہ کے مطابق یہ فیصلہ مری ماسٹر پلان کے تحفظ اور عوام دوست ماحول کو بہتر بنانے کے لیے کیا گیا ہے۔
