پاکستانی ہاکی فیڈریشن نے بھارت میں جونیئر ورلڈکپ کے حوالے سے تحفظات کا اظہار کرتے ہوئے میچز نیوٹرل مقام پر کروانے کا مطالبہ کردیا۔
ایکسپریس نیوز کو ذرائع سے ملنے والی اطلاع کے مطابق پاکستان ہاکی فیڈریشن نے انٹرنیشنل ہاکی فیڈریشن کو خط لکھا ہے جس میں بھارت میں جونیئر ورلڈکپ کے حوالے سے اپنے خدشات کا اظہار کیا گیا ہے۔
خط میں کھلاڑیوں کے حوالے سے سیکیورٹی خدشات اور تحفظات بیان کیے گئے ہیں جبکہ پاکستان ہاکی فیڈریشن نے زور دیا ہے کہ پاکستان کے میچز بھارت کے بجائے کسی نیوٹرل مقام پر منعقد کیے جائیں۔
واضح رہے کہ جونیئر ہاکی ورلڈکپ رواں سال 28 نومبر سے بھارت میں کھیلا جائے گا۔
