لاہور میں اینٹی کرپشن عدالت نے سابق وزیراعلیٰ پنجاب چودھری پرویز الہٰی کی ایک روزہ حاضری معافی کی درخواست منظور کر لی۔
جج جاوید اقبال وڑائچ نے کیس کی سماعت کی، جس میں سابق پرنسپل سیکرٹری پنجاب اسمبلی محمد خان بھٹی اور دیگر ملزمان عدالت میں پیش ہوئے۔
سماعت کے دوران شریک ملزم مختار رانجھا کے وکیل نے بریت کی درخواست پر دلائل مکمل کیے، جبکہ عدالت نے دیگر ملزمان کو آئندہ سماعت پر دلائل کے لیے طلب کر لیا۔
پراسیکیوشن نے بتایا کہ تین ملزمان کو اشتہاری قرار دیا جا چکا ہے، عدالت نے ان کا ریکارڈ طلب کرتے ہوئے سماعت 6 نومبر تک ملتوی کر دی۔
