اہلِ غزہ کی امداد لے جانے اور اسرائیلی محاصرہ توڑنے کی مہم میں شریک سابق سینیٹر مشتاق احمد کے استقبال کے لیے اسلام آباد ایئرپورٹ پر شہریوں کی بڑی تعداد پہنچ گئی۔
شرکاء نے فلسطین کے حق میں اور اسرائیل کے خلاف زبردست نعرے بازی کی۔ شہری پھولوں کی پتیاں نچھاور کرتے اور فلسطینی پرچم لہراتے ہوئے مشتاق احمد کے استقبال کے لیے موجود تھے۔
ایئرپورٹ پر خواتین، بچوں اور نوجوانوں کی بڑی تعداد بھی شریک تھی۔ شہریوں نے کہا کہ مشتاق احمد نے عالمی سطح پر امت مسلمہ اور فلسطینی عوام کے مؤقف کو مؤثر انداز میں اجاگر کیا، اسی لیے عوام ان کی حمایت میں ایئرپورٹ پر جمع ہوئے۔
