سہ ملکی ٹی ٹوئنٹی سیریز کے لیے کرکٹ زمبابوے نے پاکستان کرکٹ بورڈ کی دعوت قبول کر لی ہے۔

ذرائع کے مطابق افغانستان نے سیریز میں شرکت سے انکار کر دیا تھا، جس کے بعد پی سی بی نے دیگر بورڈز سے رابطے شروع کیے۔

پاکستان، زمبابوے اور سری لنکا کے درمیان ٹی ٹوئنٹی سیریز نومبر میں ہوگی۔

یہ تین ملکی سیریز 17 سے 29 نومبر تک راولپنڈی اور لاہور میں شیڈول ہے۔

افتتاحی میچ پاکستان اور زمبابوے کے درمیان 17 نومبر کو راولپنڈی میں ہوگا۔

سری لنکا اور زمبابوے کا میچ 19 نومبر کو بھی راولپنڈی میں رکھا گیا ہے۔

لاہور کے قذافی اسٹیڈیم میں پانچ میچز کھیلے جائیں گے۔