کراچی: وفاقی تحقیقاتی ادارے (ایف آئی اے) کارپوریٹ کرائم سرکل نے جناح انٹرنیشنل ائیرپورٹ پر کارروائی کرتے ہوئے غیر قانونی کرنسی ایکسچینج میں ملوث دو افراد اسامہ عابد اور محمود بٹ کو گرفتار کرلیا۔ ملزمان سے 2 کروڑ 80 لاکھ روپے سے زائد مالیت کی کرنسی برآمد کی گئی۔
ایف آئی اے کے مطابق ملزمان بغیر لائسنس کرنسی ایکسچینج کر رہے تھے اور موبائل فونز سمیت دیگر شواہد بھی قبضے میں لے لیے گئے ہیں۔ گرفتار شدگان کے دیگر ساتھیوں کی گرفتاری کے لیے چھاپے جاری ہیں اور تفتیش شروع کر دی گئی ہے۔
