پشاور کے علاقے گلبرگ میں ایک انوکھی واردات سامنے آئی جہاں موٹرسائیکل پر سوار خاتون راہ گیر نوجوان کا موبائل فون چھین کر فرار ہوگئی۔ عینی شاہدین کے مطابق واردات کے وقت نوجوان فون پر بات کرنے میں مصروف تھا، جس کا فائدہ اٹھاتے ہوئے خاتون نے جھپٹا مارا۔
موٹرسائیکل ایک مرد چلا رہا تھا جبکہ خاتون اس کے پیچھے بیٹھی تھی۔ واقعے کی ویڈیو سوشل میڈیا پر وائرل ہونے کے بعد پولیس حرکت میں آگئی ہے۔
پولیس نے خاتون کی شناخت اور گرفتاری کے لیے خصوصی ٹیم تشکیل دے دی ہے جبکہ متاثرہ نوجوان کی درخواست پر مقدمہ بھی درج کرلیا گیا ہے۔
