سعودی عرب میں انسدادِ بدعنوانی اتھارٹی نزاہہ نے کارروائی کرتے ہوئے مختلف وزارتوں اور اداروں کے 17 اہلکاروں کو رشوت، اختیارات کے ناجائز استعمال اور فنڈز میں خردبرد کے الزامات میں گرفتار کرلیا۔
وزارتِ صنعت کے ایک افسر نے غیر ملکی کمپنی سے 16 لاکھ ریال رشوت لی، جبکہ دیگر اہلکاروں پر ٹھیکے، لائسنس اور ملازمتوں کے بدلے رقم لینے کے الزامات ہیں۔
اتھارٹی کے مطابق بدعنوانی کے خاتمے کے لیے کارروائیاں جاری رہیں گی اور کوئی بھی سرکاری اہلکار احتساب سے نہیں بچے گا۔
