استنبول میں ایک ترک شہری بوغرا بی نے طلاق کے منفرد معاہدے میں اپنی اہلیہ ایزگی بی کو ہر تین ماہ بعد دو بلیوں کی دیکھ بھال کے لیے 10 ہزار لیرا ادا کرنے پر رضامندی دی ہے۔ دونوں فریقین نے طلاق کے دوران کسی مالی معاوضے یا گزر بسر الاؤنس کا مطالبہ نہیں کیا، تاہم طلاق نامے میں یہ شق شامل کی گئی کہ بوغرا بی کی ملکیت میں موجود بلیاں ایزگی بی کے پاس رہیں گی اور ان کی دیکھ بھال کے اخراجات وہ ادا کریں گے۔
ترکی میں اس منفرد معاہدے کو ’الاؤنس کی نئی قسم‘ قرار دیا جا رہا ہے، جو طلاق کے بعد پالتو جانوروں کی مالی کفالت کے معاملات کے لیے ایک نئی قانونی مثال بن سکتا ہے۔
