لاہور میں وزیراعلیٰ پنجاب مریم نوازشریف نے سپیشل بچوں کے لیے پنجاب میں پہلی مرتبہ جامع ہیلتھ سکریننگ پروگرام کا آغاز کیا ہے۔ اس پروگرام کے تحت صوبہ بھر میں 35,600 سے زائد سپیشل بچوں کی ہیلتھ سکریننگ کی جائے گی، جس میں 34,000 سے زائد سپیشل ایجوکیشن کے طلبہ کا علاج و معالجہ، آئی ٹیسٹنگ، دانتوں کا معائنہ اور دیگر طبی سہولیات شامل ہیں۔
سپیشل ایجوکیشن سینٹرز میں 20,000 طلبہ کو موقع پر علاج فراہم کیا گیا، جبکہ مراکز صحت اور ضلع و تحصیل کے ہسپتالوں میں 9,000 سے زائد طلبہ کا علاج جاری ہے۔ بڑے شہروں کے ہسپتالوں میں 5,000 سے زائد طلبہ کا علاج و معالجہ ہو رہا ہے۔ پنجاب بھر میں سپیشل طلبہ کے داخلوں کے لیے ڈور ٹو ڈور مہم کے تحت 5,000 سے زائد نئے داخلے کیے گئے ہیں۔
وزیراعلیٰ پنجاب کے خود مختار پروگرام کے تحت اسپیشل ایجوکیشن مراکز میں دو خصوصی کورسز کا آغاز کیا گیا ہے، جن میں ڈیزائن اینڈ یوٹیوب، کنٹنٹ کری ایشن، سوشل میڈیا اور ای کامرس کے کورسز شامل ہیں۔ مزید برآں، 10 نئی کمپیوٹر لیبز کی منظوری دی گئی اور 8 موجودہ لیبز کو جدید خطوط پر استوار کیا جائے گا۔ پروگرام کے تحت 18 ماسٹر ٹرینرز اور 1,760 طلبہ کی ٹریننگ بھی کی جائے گی، اور پہلی 50 پوزیشن حاصل کرنے والے طلبہ کو لیپ ٹاپ دیے جائیں گے۔
