چیئرمین پاکستان تحریک انصاف بیرسٹر گوہر نے کہا ہے کہ افغانستان کے ساتھ پیدا ہونے والی کشیدگی کے معاملے پر پارٹی ریاست کے ساتھ کھڑی ہے۔ ایک گفتگو میں ان کا کہنا تھا کہ قومی سلامتی کے مسائل پر سیاسی اختلافات کو بالائے طاق رکھنا ضروری ہے۔ انہوں نے کہا کہ غزہ میں پاکستانی فوج بھیجنے کی تجویز بہت سنجیدہ نوعیت رکھتی ہے، اور اس پر کوئی بھی فیصلہ پارلیمنٹ میں مشاورت کے بعد ہونا چاہیے۔ بیرسٹر گوہر کا کہنا تھا کہ ایسے معاملات میں قومی اتفاقِ رائے ناگزیر ہے۔
