وزارت مذہبی امور نے عازمین حج اور انہیں صحت مندی کا میڈیکل سرٹیفیکیٹ دینے والے ڈاکٹروں کو خبردار کیا ہے کہ سعودی وزارت صحت کی ہدایات کے مطابق بیمار افراد کے لیے حج کرنا ممنوع ہے۔
حج 2026 کے لیے طبی شرائط میں شامل ہیں: کینسر، دل، گردے، پھیپھڑے، جگر، رعشہ، نفسیاتی امراض، کمزور یادداشت، حاملہ خواتین، کالی کھانسی، تپ دق، اور وائرل ہیمرج بخار۔
وزارت نے واضح کیا کہ جعلی یا غلط سرٹیفیکیٹ دینے والے ڈاکٹروں کے خلاف کارروائی ہوگی اور بیمار عازمین حج کو سعودی عرب سے ڈی پورٹ کیا جائے گا، جس کے اخراجات مریض خود ادا کرے گا۔ سعودی حکام کی مانیٹرنگ ٹیمیں عازم حج کے فٹنس سرٹیفیکیٹ کی تصدیق بھی کریں گی۔
