لاہور کے علاقے گلبرگ میں ٹک ٹاکر سوزین خان کی جانب سے منعقد کی گئی ہیلووین پارٹی پر پولیس نے چھاپہ مار کارروائی کرتے ہوئے 51 لڑکوں اور لڑکیوں کو گرفتار کر لیا۔
پولیس کے مطابق کارروائی کے دوران بھاری مقدار میں شراب اور چرس برآمد کی گئی، جبکہ موقع پر موجود تمام افراد کو حراست میں لے کر تھانے منتقل کر دیا گیا۔
ترجمان پولیس کا کہنا ہے کہ یہ تقریب غیر قانونی طور پر منعقد کی گئی تھی، اور شراب نوشی سمیت غیر اخلاقی سرگرمیوں کی اطلاع پر کارروائی عمل میں لائی گئی۔
پولیس کے مطابق تقریب کی میزبان ٹک ٹاکر سوزین خان سمیت دیگر شریک افراد کے خلاف مقدمہ درج کر کے مزید تفتیش شروع کر دی گئی ہے۔
ذرائع کا کہنا ہے کہ پارٹی میں نوجوانوں کی بڑی تعداد شریک تھی، جبکہ شور شرابے اور غیر اخلاقی حرکات کی شکایات موصول ہونے پر پولیس کو موقع پر پہنچ کر کارروائی کرنا پڑی۔
