اسلام آباد ہائی کورٹ نے اسلامی نظریاتی کونسل کے ایک حالیہ بیان سے متعلق اہم حکم جاری کرتے ہوئے کونسل کی رائے کو 4 دسمبر تک معطل کر دیا ہے۔
تحریری حکمنامہ جسٹس محسن اختر کیانی نے جاری کیا، جو تین صفحات پر مشتمل ہے۔ یہ حکم 12 نومبر کی سماعت کے بعد جاری کیا گیا۔
عدالت نے کہا کہ جب تک معاملہ زیرِ سماعت ہے، اسلامی نظریاتی کونسل کی رائے کا حوالہ کسی عدالتی فورم پر نہیں دیا جا سکے گا۔
عدالت نے استفسار کیا کہ کون سی قانونی اتھارٹی کے تحت کونسل ایف آئی اے، پولیس یا دیگر اداروں کو اس نوعیت کی رائے فراہم کرتی ہے، اور متعلقہ حکام کو اس پر عدالت کو مطمئن کرنے کی ہدایت کی۔
