وزیراعلیٰ پنجاب مریم نواز نے 27 ویں نیشنل ڈیفنس سکیورٹی ورکشاپ کے شرکا سے ملاقات میں کہا کہ پنجاب میں نچلے سطح پر ممکنہ کرپشن کے باوجود ٹاپ لیول پر مکمل کنٹرول ہے اور کھربوں روپے کے پروجیکٹس میں کرپشن کی کوئی شکایت نہیں۔
انہوں نے کہا کہ میرٹ کی خلاف ورزی نہیں کی گئی اور سیاسی بنیاد پر کوئی بھرتی نہیں ہوئی، اگر کوئی سفارش کرے تو استعفیٰ تک دینے کے لیے تیار ہیں۔ مریم نواز نے کہا کہ وسائل کی غیر منصفانہ تقسیم اور احتساب نہ ہونے کی وجہ سے مسائل پیدا ہوتے ہیں، اور گڈ گورننس کے لیے جوابدہی ضروری ہے۔
وزیراعلیٰ نے بتایا کہ خوف اور غصے سے کام نہیں لیا جا سکتا اور بیوروکریسی کی مثبت معاونت کے ساتھ پنج سال میں صوبے کو کرپشن فری بنایا جائے گا۔
انہوں نے تنقید کرنے والے صحافیوں اور مخالفین پر بھی بات کی، کہا کہ الزام تراشی اور گالم گلوچ کا جواب پرفارمنس سے دیا جائے گا اور پنجاب میں ترقیاتی کام جاری ہیں۔
مریم نواز نے کہا کہ صوبے میں دنیا کا سب سے بڑا ویسٹ مینجمنٹ پروگرام شروع کیا گیا ہے اور عوامی فلاح و بہبود کے کئی اقدامات کیے جا چکے ہیں جو مستقبل میں جاری رہیں گے۔
