غزہ میں جنگ بندی اور مذاکرات کے باوجود اسرائیلی حملے جاری ہیں۔ تازہ کارروائیوں میں 2 بچوں سمیت 13 فلسطینی شہید ہوئے۔ بنی سہیلہ میں ڈرون حملے سے دونوں بچے ہلاک ہوئے، جبکہ قرارہ قصبے میں گولہ باری سے 3 فلسطینی زخمی ہوئے۔
غزہ شہر کے تفاح محلے، خان یونس اور رفاہ کے مشرقی علاقوں میں فضائی حملوں کی نئی لہر دیکھی گئی۔ شدید جھڑپوں اور امدادی راستے بند ہونے کی وجہ سے ہسپتالوں میں ادویات کی کمی اور شہریوں کی نقل مکانی جاری ہے۔ عالمی اداروں نے غزہ کی بگڑتی صورتحال پر شدید تشویش ظاہر کی ہے۔
