ایران نے اسمگل شدہ ایندھن لے جانے والے ایک غیر ملکی جہاز کو قبضے میں لے لیا۔ ایرانی میڈیا کے مطابق پاسداران انقلاب نے کارروائی کے دوران اسواتینی کے جھنڈے والا جہاز پکڑا، جو ساڑھے تین لاکھ لیٹر اسمگل شدہ ایندھن لے جا رہا تھا۔
جہاز پر 13 عملے کے افراد موجود تھے جن کا تعلق ایک پڑوسی ملک اور بھارت سے بتایا جاتا ہے۔
اس سے قبل بھی اسی ماہ ایران نے خلیج میں ایک آئل ٹینکر ضبط کیا تھا، جسے بعد میں 21 رکنی عملے سمیت رہا کر دیا گیا تھا۔
