بھارتی اوپنر روہت شرما نے ون ڈے کرکٹ میں 352 چھکے لگا کر سابق پاکستانی بلے باز شاہد آفریدی کا 351 چھکوں کا ریکارڈ توڑ دیا۔ یہ کارنامہ انہوں نے جنوبی افریقہ کے خلاف سیریز کے پہلے میچ میں حاصل کیا، جس میں انہوں نے 57 رنز کی اننگز کھیل کر 3 چھکے مارے۔
روہت شرما نے مجموعی طور پر 269 اننگز میں یہ ریکارڈ بنایا، جب کہ آفریدی نے 369 اننگز میں 351 چھکے لگائے تھے۔ مجموعی طور پر تینوں فارمیٹس میں بھی شرما سرفہرست ہیں، جن کے مجموعی چھکوں کی تعداد 645 ہے، جس کے بعد ویسٹ انڈیز کے کرس گیل (553) اور شاہد آفریدی (476) ہیں۔
