ترجمان اے این پی انجینئر احسان اللہ خان نے کہا کہ جماعت سے کسی نے گورنر شپ کے حوالے سے رابطہ نہیں کیا۔ رابطہ ہوا تو پارٹی میں مشاورت کے بعد فیصلہ کیا جائے گا۔ انہوں نے کہا کہ صوبائی حکومت کی رٹ نہیں ہے اور موجودہ حکومت خیبر پختونخوا میں کام نہیں کر پا رہی۔ اگر پی ٹی آئی احتجاج کرنا چاہتی ہے تو حکومت چھوڑ دے، جبکہ اے این پی جمہوری اداروں کے تسلسل پر یقین رکھتی ہے۔ خیال رہے کہ گورنر راج کے ممکنہ ناموں میں اے این پی کے رہنما امیر حیدر خان ہوتی بھی شامل ہیں۔
