اسلام آباد: وزیراعظم شہباز شریف نے فیلڈ مارشل سید عاصم منیر کی بطور چیف آف آرمی اسٹاف اور چیف آف ڈیفنس فورسز تعیناتی کی سمری منظور کرکے ایوان صدر بھجوا دی ہے۔
منظور شدہ سمری کے مطابق فیلڈ مارشل عاصم منیر آئندہ 5 سال کے لیے چیف آف آرمی اسٹاف کے ساتھ ساتھ ملک کے پہلے چیف آف ڈیفنس فورسز بھی ہوں گے۔
اس کے علاوہ وزیراعظم نے چیف آف ایئر اسٹاف ائیر چیف مارشل ظہیر احمد بابر سدھو کی مدتِ ملازمت میں بھی دو سال کی توسیع کی منظوری دی ہے، جو ان کی موجودہ 5 سالہ مدتِ ملازمت مارچ 2026 میں مکمل ہونے کے بعد نافذ ہوگی۔
