شام میں امریکی فوجیوں پر ایک تنہا مسلح شخص کے حملے میں دو اہلکار اور ایک امریکی سویلین مترجم ہلاک ہوگئے جبکہ تین فوجی زخمی ہو گئے۔ حملہ امریکی اور شامی مشترکہ فوجی گشت کے دوران کیا گیا، جس میں داعش مخالف کارروائیوں کے لیے باہمی مشاورت جاری تھی۔
پینٹاگون کے مطابق ہلاک ہونے والے فوجیوں کے نام اور یونٹ کی تفصیلات اہلِ خانہ کی رضامندی کے بعد فراہم کی جائیں گی۔ امریکی سینٹرل کمانڈ کا کہنا ہے کہ حملہ آور کو فورسز نے جوابی کارروائی میں ہلاک کر دیا، تاہم کسی گروہ نے ذمہ داری قبول نہیں کی اور حملہ آور کی شناخت سامنے نہیں آئی۔
