پاک بحریہ نے شمالی بحیرہ عرب میں سطحِ آب سے فضا تک مار کرنے والے ایف ایم 90 این ای آر میزائل کی کامیاب لائیو فائرنگ کر کے اپنی جنگی صلاحیت اور آپریشنل تیاری کا مظاہرہ کیا۔
فائر پاور ڈسپلے کے دوران تیز رفتار فضائی اہداف کو کامیابی سے نشانہ بنایا گیا۔ اس موقع پر کمانڈر پاکستان فلیٹ ریئر ایڈمرل عبد المنیب نے فائرنگ کا مشاہدہ کیا اور پاک بحریہ کی تیاریوں پر اطمینان کا اظہار کیا۔
فلیٹ کمانڈر نے کہا کہ پاک بحریہ ملکی سمندری دفاع اور قومی بحری مفادات کے تحفظ کے لیے ہر وقت مکمل طور پر تیار ہے۔
