نئی دہلی: بھارتی خلائی ایجنسی انڈین اسپیس ریسرچ آرگنائزیشن (اسرو) نے اپنی تاریخ کا سب سے وزنی سیٹلائٹ کامیابی سے خلا میں روانہ کر دیا ہے۔
یہ لانچ بدھ کے روز کیا گیا، جسے بھارتی وزیراعظم نریندر مودی نے ملکی خلائی شعبے کے لیے ایک اہم پیش رفت قرار دیا۔
اسرو کے مطابق راکٹ کے ذریعے امریکا میں تیار کردہ کمیونیکیشن سیٹلائٹ کو لو ارتھ آربٹ میں بھیجا گیا۔ سیٹلائٹ کا وزن 6 ہزار 100 کلوگرام ہے، جو اب تک بھارت کی سرزمین سے لانچ کیا جانے والا سب سے بھاری پے لوڈ ہے۔
بھارتی خلائی ادارے کا کہنا ہے کہ اس کامیاب مشن سے بھارت کی ہیوی لفٹ لانچ صلاحیت میں نمایاں اضافہ ہوا ہے اور عالمی کمرشل سیٹلائٹ مارکیٹ میں بھارت کا کردار مزید مضبوط ہوگا۔
