ریاض میں قائم امریکی سفارتخانے پر ایرانی حملے کے بعد سعودی عرب نے سخت ردعمل دیتے ہوئے اس اقدام کی شدید الفاظ میں مذمت کی ہے۔
سعودی وزارت خارجہ کی جانب سے جاری بیان میں حملے کو ’’غدارانہ کارروائی‘‘ قرار دیا گیا اور کہا گیا کہ یہ اقدام بین الاقوامی قوانین اور سفارتی اصولوں کی کھلی خلاف ورزی ہے۔
بیان میں واضح کیا گیا کہ مملکت اپنی سلامتی اور قومی مفادات کے تحفظ کے لیے تمام ضروری اقدامات کرنے کا حق محفوظ رکھتی ہے، جس میں کسی بھی جارحیت کا مؤثر جواب دینے کا اختیار بھی شامل ہے۔
سعودی حکام کا کہنا ہے کہ خطے میں بڑھتی کشیدگی کے باوجود مملکت اپنی سرزمین، شہریوں اور سفارتی تنصیبات کے تحفظ کو ہر صورت یقینی بنائے گی اور علاقائی استحکام کے لیے ذمہ دارانہ کردار ادا کرتی رہے گی۔
