تین روزہ وقفے کے بعد عالمی اور مقامی مارکیٹوں میں سونے اور چاندی کی قیمتوں میں نمایاں کمی ریکارڈ کی گئی ہے جس کے بعد نئی قیمتیں جاری کر دی گئی ہیں
بین الاقوامی بلین مارکیٹ میں فی اونس سونے کی قیمت 139 ڈالر کی کمی کے بعد 5 ہزار 272 ڈالر کی سطح پر آ گئی
ملک میں فی تولہ سونے کی قیمت 13 ہزار 900 روپے کم ہو کر 5 لاکھ 49 ہزار 962 روپے ہو گئی جبکہ فی دس گرام سونے کی قیمت 11 ہزار 917 روپے کی کمی سے 4 لاکھ 71 ہزار 503 روپے کی سطح پر آ گئی
چاندی کی قیمتوں میں بھی نمایاں کمی دیکھنے میں آئی فی تولہ چاندی 1 ہزار 146 روپے سستی ہو کر 8 ہزار 904 روپے پر آ گئی جبکہ فی دس گرام چاندی 986 روپے کی کمی سے 7 ہزار 633 روپے کی سطح پر پہنچ گئی
ماہرین کے مطابق عالمی مارکیٹ میں اتار چڑھاؤ اور سرمایہ کاروں کے بدلتے رجحان کے باعث قیمتی دھاتوں کی قیمتوں میں کمی ریکارڈ کی گئی ہے
