ڈونلڈ ٹرمپ نے اپنے بڑے بیٹے ڈان جونیئر کی شادی کی تقریب میں شرکت نہ کرنے کا اعلان کر دیا۔
امریکی صدر نے اپنے بیٹے ڈان جونیئر اور ان کی ہونے والی اہلیہ بیٹینا کو مبارکباد دیتے ہوئے کہا کہ وہ اس خوشی کے موقع پر ان کے ساتھ موجود رہنا چاہتے تھے۔
ٹرمپ کا کہنا تھا کہ حکومتی مصروفیات اور امریکا سے محبت انہیں ایسا کرنے کی اجازت نہیں دیتی، اس وقت ان کے لیے وائٹ ہاؤس میں موجود رہنا ضروری ہے۔
امریکی میڈیا رپورٹس کے مطابق ڈان جونیئر کی شادی کی تقریب اس ہفتے بہاماس کے ایک چھوٹے جزیرے پر منعقد ہوگی، جس میں صرف قریبی اہلِ خانہ اور محدود دوست شریک ہوں گے۔
