سابق وزیر اعظم شاہد خاقان عباسی کاعام انتخابات لڑنے سے انکار کے باعث پاکستان مسلم لیگ ن نے ان کی جگہ مری سے نیا چہرہ میدان میں اتار دیا۔مری میں مسلم لیگ ن نے حلقہ این اے 51 اور پی پی 6 کے ٹکٹ کا اعلان کر دیا، این اے 51 سے نو جوان راجہ اسامہ اشفاق کو ٹکٹ دیا گیا، اسامہ اشفاق سابق صوبائی وزیر راجہ اشفاق سرور مرحوم کے فرزند ہیں۔پی پی 6 پر کہوٹہ کی یونین کونسل نڑھ کے سابق چیئر مین بلال یامین ستی کو ٹکٹ جاری کیا گیا قومی و صوبائی اسمبلی این اے 51 اور پی پی 6 کے ٹکٹ کا نوٹیفکیشن جاری کر دیا گیا۔دوسری جانب مسلم لیگ ن کی قیادت نے دانیال عزیز ،عائشہ رجب علی کے بعد طلال چودھری کو بھی نظر انداز کرتے ہوئیالیکشن 2024 سے آٹ کر دیا۔پاکستان مسلم لیگ ن نے قومی اسمبلی کے حلقہ 96 جڑانوالہ سے پرانے اور شریف فیملی کے قریبی سمجھے جانے والے رہنما طلال چودھری کو بھی نظر انداز کر دیا، این اے 96 جڑانوالہ سے نواب شیر وسیر کو طلال چودھری کے مقابلے میں فوقیت دی گئی ہے اور اب وہی این اے 96 سے ن لیگ کے امیدوار ہو ں گے۔ذرائع کا کہنا ہے کہ این اے 96 سے طلال چودھری یا شیر و سیر کو پارٹی ٹکٹ مل سکتا ہے جس کا حتمی فیصلہ کل ہو گا۔دریں اثنا پاکستان مسلم لیگ(ن)کے رہنما دانیال عزیز کے بعد سابق خاتون رکن قومی اسمبلی عائشہ رجب علی نے بھی آئندہ الیکشن آزاد حیثیت سے لڑنے کا اعلان کردیا ہے۔انہوں نے کہا ہے کہ رجب علی کی پارٹیاں کیلئے قربانیاں کسی سے ڈھکی چھپی نہیں ہیں۔میں نے پارٹی کے تمام جلسوں اور کارنر میٹنگزسمیت بڑے قافلوں میں شرکت کی اور ہر فورم پر پارٹی کو متحرک کرنے کیلئے کردار ادا کیا ہے۔عائشہ رجب کا کہنا تھا کہ پارٹی کی جانب سے یکسر نظرانداز کیاگیا۔ 2024 کے عام انتخابات میں قومی اسمبلی کے حلقہ این اے 97 تاندلیانوالہ سے آزاد حیثیت سیمیں حصہ لوں گی۔
