پاکستان تحریک انصاف کی قیادت نے علیمہ خان کی پریس کانفرنس کے دوران صحافی صدیق بلوچ کو تشدد کا نشانہ بنانے کے واقعے کا نوٹس لیتے ہوئے تحقیقات کے لیے کمیٹی تشکیل دے دی۔
پارٹی نے ویڈیو کا جائزہ لینے کے بعد نعیم حیدر پنجھوتا کے خلاف انکوائری کرنے کا فیصلہ کیا ہے۔ ذرائع کے مطابق انہیں شوکاز نوٹس جاری کرنے کا امکان بھی زیر غور ہے۔
پارٹی قیادت کے مطابق معاملے پر شدید تشویش پائی جاتی ہے اور تین رکنی کمیٹی بنا کر تمام حقائق کی مکمل تحقیقات کی جائیں گی۔
