وزیر دفاع خواجہ آصف نے کہا ہے کہ غزہ کے فلسطینیوں اور بچوں کی قربانیاں رائیگاں نہیں جائیں گی اور مسلم ممالک غزہ کی مدد ضرور کریں گے۔
خواجہ آصف نے خبردار کیا کہ کوئی ملک خوش فہمی میں نہ رہے، آج غزہ تو کل سب کی باری آئے گی۔ انہوں نے عرب ممالک پر زور دیا کہ وہ اپنی ٹیکنالوجی استعمال کریں اور دشمن کے سامنے ایمان اور جذبہ مضبوط رکھیں۔
وزیر دفاع نے پاکستان کی مثال دیتے ہوئے کہا کہ ملک نے پانچ گنا بڑے دشمن کو شکست دی، اور مغربی ممالک صیہونی طاقت کے زیر اثر ہیں، جس سے اسرائیل کے تنہا ہونے کا عمل تیز ہوگا۔
