پشاور: تعلیمی بورڈ پشاور نے گیارہویں جماعت کے نتائج کا اعلان کر دیا ہے جس میں کامیابی کا تناسب صرف 44 فیصد رہا۔
رپورٹ کے مطابق امتحانات میں 66 ہزار 695 طلبہ و طالبات نے حصہ لیا جن میں سے 29 ہزار 487 کامیاب قرار پائے، جبکہ 37 ہزار 208 طلبہ مختلف مضامین میں فیل ہو گئے۔
بورڈ حکام کے مطابق 56 فیصد طلبہ و طالبات کو سالانہ امتحان نمبر 2 میں دوبارہ پرچہ دینا ہوگا۔
پالیسی کے تحت فیل ہونے والے طلبہ کو بھی بارہویں جماعت میں پروموٹ کر دیا جائے گا تاکہ وہ اپنی تعلیم جاری رکھ سکیں۔
